Overblog Suivre ce blog
Editer l'article Administration Créer mon blog

lu cherche in doudou

par reinette 8 Septembre 2009, 09:59 poèmes kréols




in cigarète dans son bec,

deux pièces monés dans son poche,

Mosieur y fé le fièr.

Depuis ce matin y parade comme in coq.

 

Son cheveu gominé,

Son pantalon patte d’éléfant,

Son deux moustaches en guidon de vélo,

La glace l’armoire la di lu lé beau.

 

Son kèr lé enkor libre

Mais lu doute pas in instant

L’amour lé pas loin.

Su la place à soir lu sava danser.

 

Son zié y brille

                                                Comme grains longanis.

                 lu cherche partout in joli p’tit fille

                  pou accompagne à lu dans la vie.

 

voila k’son kèr y bate dans son dos

kan lu voit le joli p’tit morceau

perché si son soulier talon

et in bon l’odèr sent bon.

 

lu aproche en catimini,

lu fé semblant perd l’équilibre

et voilà l’occasion trouvé

pou invite à elle boire in coca.

 

in dernier danse

in p’tit bisous dan'cou

et bras d’sus, bras d’sous

zot dé y rent'ensemb

 

ah! l’amour lé doux, doux doux

ah! l’amour lé doux

ah! l’amour lé doux

dans la case en paille ek ti femme là

 

  

 

 

 

 

 

 

 

 

commentaires

PHENIX jp 07/11/2009 14:17


Fame créole lé touzour Amour, cafrine do fée


PHENIX jp 07/11/2009 14:15


Oute texte lé trop bo, a moin mi aime bon peu, couraze


Quichottine 20/09/2009 11:38

Je découvre... et j'adore Merci pour cette page en créole.

steph 17/09/2009 19:19

une expression originale qui donne du charme au texte
bonne soiree reinette bises

domie de la reunion 10/09/2009 06:48

ben, lé gaillard out poème là ?!?!
moin la bien aimé
bonne journée à ou
Quel temps y fait ek ou la-bas?
ek nou, soleil y pète mais y fait encore frais

Haut de page