o té, voyou, rend mon zafair
Dans la rue mi marché.
Li la vole mon sac.
Dedans moin navé
Mon bric-à-brac.
O té, voyou, rend mon zafair
Moin la pose mon vélo
Pou fé in dé p’tits komitions.
In couillon la prend pou fé le bo.
C’est in conspiration.
O té, voyou, rend mon zafair.
Mon pied gouyaves
Té bien chargé.
Moin la gaingne la rage
In, zot la pas laissé.
Oté voyou rend mon zafair
Mon linge moin la mette séché
Si dé trois galets.
Mon kilote, demoun la volé.
Mi espère zot ki lé bien habillé.
Oté voyou rend mon zafair
Marmaille ferme bien la caze,
Oubli pas la fenêtre,
Largue le chien,
Atention voleurs.