moin la fé in rève
Moin navé la zèle.
Moin té y vole dan ciel.
Soleil té p’encor lévé,
In ti brise té ki porte à moin.
Doucement, doucement
A koté moin
Mon p’ti marmaille
Té y vole aussi.
Pou encourage à li
Moin té y chante,
Doucement, doucement.
Kan soleil la lévé,
La fane l’or su la terre.
Partout té y brille.
Dan bord la mer, dessi le sab
Nous la posé,
Doucement, doucement
Là, réveil la sonné.
moin navé point la zèle
et moin té y vole pas.
doudou y crie, y vé son café.
mi dit à li,
Doucement, doucement.
